開學行李清單
開學頭兩星期最攰唔係上堂，係日日發現唔記得帶嘢。一次執齊，下面分三類。
文件類（無就搞唔到嘢）
「文件類（無就搞唔到嘢）」章節- 身份證正本：辦學生證、核實身份用，非永久居民加帶單程證／簽證／小白條等正本。
- 取錄通知書／電郵：上面有 Offer No.（＝你個學號），開戶、查嘢、對資料全靠佢。
- 證件相一打：註冊、學生證、各種申請預備，唔好到時周圍搵快圖美。
- 家長／監護人同意書：未滿 18 歲入學要交，經入學通註冊嗰陣一齊搞。
- 學生相忠告（學生間流傳）：學生證張相跟你兩年，想染五顏六色，影完先染。
電子＋學習裝備
「電子＋學習裝備」章節- Notebook：輕身夠用就得——上 programming 堂理解 concept、手寫 code 為主，考試都係手寫，唔使大機（學生間經驗）。無機先唔使買，學校有借（見 Notebook 借用）。
- 電話＋充電器＋尿袋：MFA 收 code、Portal 通告、SOUL quiz 全靠電話，尿袋救命。
- 耳機：Common Room／圖書館降噪，group call 唔阻人。
生活類（慳錢靠佢哋）
「生活類（慳錢靠佢哋）」章節- 水樽＋飯盒＋餐具：飲水機免費斟、Common Room 微波爐叮飯，日日慳。
- 外套：課室冷氣長期開，唔帶會冷到震。
- 八達通＋後備一張：打印、食飯、車費全靠佢，唔見卡睇失物嗰篇。
- 文具基本裝：考試手寫，筆要順手，唔好考試先開新筆。
唔使急住買
「唔使急住買」章節- 教科書／參考書：等老師落實先買，有啲科 notes 夠用，圖書館借到就唔使買。
- 終身版軟件：M365 學校包，Adobe 等學生版夠用先（見學生優惠篇）。
- 靚衫：無 dress code，舒服為主，開學後先慢慢執。
常見問題
「常見問題」章節第一日返學帶咩最緊要？ 身份證＋取錄通知＋電話＋八達通，其他執漏都仲有得補。
Locker 幾時申請？ 有位早啲經 Portal 申請，唔使日日孭住成袋嘢（見 locker 嗰篇）。
住得遠有咩要預？ 跨區堂帶齊一日嘢，唔返屋企攞（見通勤嗰篇）。
執齊就行，開學頭兩星期商場唔使再去。