教學中心總覽
CC 冇傳統大校園：課堂散喺十個分校／教學中心，唔同科去唔同地方。地址同出口嚟自官方學習中心頁同新生校園設施頁，以校方為準。
主力分校
「主力分校」章節| 中心 | 地址（港鐵） | 常見科目（參考） |
|---|---|---|
| KEC 九龍東分校 | 宏開道 28 號（九龍灣 B 出口） | 理學、IT、工程、部分商科；13 層 50 課室，空中花園 |
| KWC 九龍西分校 | 荔枝角道 888 號 5 樓及 12 樓（荔枝角 D1/D2） | 護理、社科、部分商科 |
| IEC 港島東分校 | 英皇道 494 號（北角 B3） | 文學、人文、社科；參考圖書館喺 20 樓 |
| FTC 北角城教學中心 | 英皇道 250 號北角城中心（炮台山 B） | 同 IEC 一區，逐科對地點 |
其他教學中心
「其他教學中心」章節| 中心 | 地址（港鐵） |
|---|---|
| ADC 金鐘教學中心 | 夏慤道 18 號海富中心 2–3 樓（金鐘 A，經商場電梯上） |
| UNC 統一教學中心 | 金鐘道 95 號統一中心 6 樓（金鐘 D） |
| KEK 九龍東 Kingston | 宏照道 19 號金利豐 6–8 樓（九龍灣 B） |
| KEE 九龍東 Exchange | 宏照道 33 號國際交易中心 1 樓（九龍灣 A） |
| CITA | 大業街 63 號（九龍灣 A） |
| SSLC 上水教學中心 | 龍琛路 48 號上水匯 7–8 樓（上水 A4） |
| ISP 港島南分校 | 薄扶林華林徑 3 號 |
HPSHCC（銅鑼灣禮頓道 66 號）係合辦獨立書院，唔好同 CC 分校撈亂。
中心入面有咩
「中心入面有咩」章節- 電腦室／電腦站＋八達通自助打印（大部分中心有，開放時間睇 Portal 通告）
- 參考圖書館得兩間：KEC 4 樓、IEC 20 樓
- 學生休息室／溫習室、微波爐、飲水機（逐個中心唔同，見溫習位嗰篇）
- 實驗室、語言／護理／工程學習中心、升學就業資源閣、活動室、禮堂（按課程需要用）
常見問題
「常見問題」章節係咪兩年都喺同一個分校？ 唔係。逐科對 SCORE，唔同科目可以唔同地方，跨區預 60–70 分鐘。
邊科去邊度有無固定表？ 學院冇公開固定對應，一切以 timetable 為準。學生懶人包嗰啲學科–分校對應只作參考。
上水／薄扶林會唔會要去？ 有機會，視乎科目安排。收到 timetable 先知，唔好開學先嚇親。
地址同開放時間以校方公布為準，出發前對多次。