學會同 Student Club
先講結構：HKCC 嘅課外活動唔止有 Student Club，仲有 CPCE 學生事務處（CSAO）安排嘅學生大使、Mentorship 同義工等計劃。部分活動係 HKCC 同 SPEED 同學一齊參加，唔使只識搵學會玩。
2026/27 開緊嘅六個 Club
「2026/27 開緊嘅六個 Club」章節- Board Game Club（桌遊）
- Graphology Club（筆跡學）
- Photography Club（攝影）
- Rotaract Club（扶輪青年服務）
- Taekwondo Club（跆拳道）
- Volleyball Club（排球）
以上係原有名單，實際開放嘅 Club、招募時間留意 CSAO 通告，熱門活動亦可能有名額限制。
除咗 Club 仲有咩？
「除咗 Club 仲有咩？」章節Student Ambassador Programme 學生大使計劃
「Student Ambassador Programme 學生大使計劃」章節呢個值得特別留意。CPCE Student Ambassador Programme 會提供培訓同參與學院活動嘅機會，內容包括溝通技巧、領導訓練、司儀技巧、公開演講同校園導賞等。
學生大使有機會代表學院接待訪客、帶領校園導賞、分享校園生活、協助大型活動，亦可能參與海外領袖交流活動。想練溝通、主持同組織能力，可以留意招募。
官方資料：PolyU CPCE Student Ambassador Programme
Mentorship Programme
「Mentorship Programme」章節透過同有工作及人生經驗嘅 mentor 交流，了解唔同行業同職涯方向。對仲未清楚自己將來想做咩嘅同學，呢類活動可以幫你接觸課堂以外嘅資訊。
A Cappella Ensemble
「A Cappella Ensemble」章節鍾意唱歌、想參與合唱或者接受聲樂訓練，可以留意 A Cappella Ensemble 嘅招募及活動安排。
Ceremony Presenter Training
「Ceremony Presenter Training」章節想練 MC、公開演講同台風，可以留意學院嘅司儀培訓。部分培訓可能有機會參與學院活動。
VNET 義工平台
「VNET 義工平台」章節CPCE Volunteer Network（VNET）提供義工活動資訊，想參與社區服務、接觸唔同群體或者累積服務經驗，可以留意平台嘅活動招募。
查詢可以聯絡學生事務處：sao@cpce-polyu.edu.hk，亦可睇 CSAO 官方網站。
點揀先唔後悔？
「點揀先唔後悔？」章節- 想識多啲朋友： 可以揀需要多人互動嘅活動，例如桌遊、排球或者 Rotaract。
- 想練溝通同領導能力： 可以留意 Student Ambassador Programme、司儀培訓或者 Mentorship。
- 想累積服務經驗： 可以參加 VNET 義工活動，了解社區服務機會。
- 想為升學面試準備素材： 揀一兩項自己真係有興趣、可以持續參與嘅活動，之後先有實際經驗可以分享。
不過，有一點要講清楚：課外活動對升學有幫助嘅空間，通常遠遠比唔上 GPA 咁直接同重要。
唔好以為做咗學生大使、參加幾個 Club、儲到一堆活動紀錄，就可以抵銷 GPA 唔夠。大部分升學申請都非常重視學業成績，尤其係競爭激烈嘅學士學位課程，GPA 先係最重要嘅基本因素之一。課外活動可以幫你豐富面試例子、展示溝通能力同個人特質，但唔好高估佢嘅作用。
所以，GPA 係本金，課外活動係 bonus。先顧好上堂、CA、assignment 同考試，再按自己嘅時間參加活動。唔好為咗 CV 好睇而搞到成績跌，亦唔好為咗參加活動而走堂（見出席率攻略）。
另外，O Day 或迎新活動如果有社團招募，可以一次過了解唔同選擇。不過唔使見到咩都報，揀真正有興趣、時間上又負擔到嘅就夠。
常見問題
「常見問題」章節為升 U，參加咩活動最有用？
冇。可以揀同自己興趣或目標相關嘅活動，累積真實經驗，方便日後準備個人陳述同面試。不過，如果 GPA 未達目標，優先改善成績通常更實際。
Student Ambassador 值唔值得報？
如果你想練溝通、公開演講、活動組織同領導能力，可以留意。計劃亦有機會提供校園導賞、學院活動及交流機會。不過要睇清楚招募要求同時間投入，唔好影響學業。
係咪參加越多活動，升學就越有優勢？
唔係。參加得多唔代表經驗就深，亦唔代表可以彌補成績不足。與其同時報幾個活動，不如揀少量真正投入嘅項目，保持 GPA 好過。
學會同課外活動可以令大專生活充實啲，亦有機會識到新朋友、接觸唔同行業。不過，唔好俾人講到課外活動係升學捷徑。先顧好 GPA，再按時間同興趣參加活動，會係更穩陣嘅做法。