識人攻略
齋上堂係識唔到朋友嘅——呢句係討論區月經結論。識人要場景，下面由易到難排。
O Camp：只係開場
「O Camp：只係開場」章節- O Camp 識嗰班，完咗無聯絡係常態，唔係你問題。
- Keep 法：開學頭兩星期約食一次飯，唔約就散，唔使可惜。
- 唔啱傾唔使迫：O Camp 分組隨機，唔啱係正常，戰場喺後面。
課堂：最穩嘅場景
「課堂：最穩嘅場景」章節- 分組功課：最易深交嘅場景，認真做＋準時交，自然有人記住你（見 group project 嗰篇）。
- 固定坐位：頭幾個星期坐附近嗰幾個，一個 sem 後就係飯腳。
- 開口問功課：唔識就問，問得多就熟，唔使諗開場白。
官方幫你識人嘅嘢（免費唔用就嘥）
「官方幫你識人嘅嘢（免費唔用就嘥）」章節- 師友計劃 Mentorship：配對社會人士導師，傾行業、傾人生，順便識同屆（有年度開展典禮，留意 Portal）。
- 關懷大使 Caring Angel：朋輩關顧，新生唔熟環境搵佢哋。
- 學生大使：做活動識人＋寫CV，兩邊賺。
- 學生會＋學會：CC 學生自動係會員，執行委員每年十月選；有興趣先上莊，唔好為識人而上（見 O Day 嗰篇）。
- 海外交流＋義工＋實習（學院資助）：一齊出 trip 返嚟就係老死，詳情睇學生交流及實習計劃。
CC 社交圈現實
「CC 社交圈現實」章節- 你個圈主要係同科＋同分校，跨區堂識跨區人，係 bonus。
- HKU 本部圈係另一個世界：FAC 入到圖書館，入唔到人哋個圈，唔好搞亂期望（見升 HKU 嗰篇心態段）。
- 質量重過數量：兩年後 keep 到三五個戰友，好過成 phone hi-bye。
常見問題
「常見問題」章節內向係咪無得救？ 唔係。內向靠課堂＋project 慢慢熟，唔靠 O Camp 嗌口號，節奏唔同啫。
上莊為識人值唔值？ 為做事上莊值，為識人上莊多數失望。諗清楚自己為咩。
group mate 變朋友有無秘訣？ 一齊捱過 deadline 就係。認真做嘢＋請食嘢，兩招夠。
朋友隨緣，但場景要自己入，唔入就真係兩年hi-bye。